2017 წლის პირველ აპრილს, საქართველოს იუსტიციის უმაღლეს საბჭოს, თბილისის საქალაქო სასამართლოსა და საქართველოს მედიატორთა ასოციაციას შორის ურთიერთგაგების მემორანდუმი გაფორმდა.
მემორანდუმის ფარგლებში, თანამშრომლობა სამოქალაქო-სამართლებრივ დავებს მოიცავს და მიზნად ისახავს მედიაციის პროგრამის იმპლემენტაციის გზით სასამართლოს განტვირთვის ხელშეწყობას.
მემორანდუმს ხელი საქართველოს იუსტიციის უმაღლესი საბჭოს თავმჯდომარე ნინო გვენეტაძემ, თბილისის საქალაქო სასამართლოს თავმჯდომარე გიორგი მიქაუტაძემ და საქართველოს მედიატორთა ასოციაციის თავმჯდომარე გიორგი ცერცვაძემ მოაწერეს. შეხვედრის დასასრულს დაიგეგმა პირველი სამუშაო შეხვედრა დონორი ორგანიზაციების წარმომადგენლებთან.
