თბილისის მედიაციის დღეები 2016

15 მარტი 2017

2016 წლის 21-22 ნოემბერს, სასტუმრო „რედისონ ბლუ ივერიაში“ ორდღიანი საერთაშორისო კონფერენცია „თბილსის მედიაციის დღეები 2016“ გაიმართა. ღონისძიების მიზანი იყო მედიაციის, როგორც დავის გადაწყვეტის ალტერნატიული საშუალების, განვითარებისა და მისი ჩვენი ქვეყნის სამართლებრივი სისტემის განუყოფელ ნაწილად ქცევის ხელშეწყობა. კონფერენციაში ქართველ ექსპერტებთან ერთად მედიაციის სფეროში მოღვაწე წამყვანი უცხოელი სპეციალისტებიც მონაწილეობდნენ.

აღნიშნული კონფერენციის ფარგლებში გაიმართა მედიაციის შესახებ კანონპროექტის პრეზენტაცია, რომელსაც საქართველოს მედიატორთა ასოციაციის თავმჯდომარე გიორგი ცერცვაძე სასამართლოს მედიატორთა ასოციაციის თავმჯდომარესთან ერთად უძღვებოდა.

საქართველოს მედიატორთა ასოციაცია აქტიურად იყო ჩართული „თბილსის მედიაციის დღეები 2016-ის“ საორგანიზაციო საკითხებში.

კონფერენცია განხორციელდა ევროკავშირისა და გაეროს განვითარების პროგრამის (UNDP) ხელშეწყობითა და აშშ-ს საერთაშორისო განვითარების სააგენტოსა (USAID) და გერმანიის საერთაშორისო თანამშრომლობის საზოგადოების (GIZ) აქტიური დახმარებით.